Skate parkea inauguratuko dute bihar, urtarrilak 5

Gaztetxoak skate parkean egunotan.

Herriko eta inguruko gaztetxoek dagoeneko probatu dute Markole auzoan, Ibarra kiroldegi aurrean, egindako skate parkea. Gabonetan bukatu dituzte lanak eta gaztetxoz bete da inguru guztia egunotan. Bihar, urtarrilak 5, inauguratuko dute Arrasateko Arraska skate taldeak gidatuta.

Trebakuntza saioa eskainiko dute 11:00etatik 13:00etara bitartean Arraskako kideek: "Arrapaletatik zelan jaitsi, eskudeletan zelan ibili eta beste hainbat trikimailu erakutsiko dizkiegu umeei eta ikasi gura duen orori", dio Aitor Akizu kideak. Materiala ere eramango dutela iragarri dute, proba egin gura duen edonori uzteko.

Arratsaldean, 15:30etik 17:00etara, ostera, txapelketak izango dira: "Hainbat kategoria zehaztuko ditugu, eta sari asko banatu".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.