Batetik, magia ikastaroa eskainiko du Ituiño magoak hilaren 28an (17:30-19:00) eta oraindik izena eman daiteke. Bestetik, bideo-jokoak sortzeko saio bana egingo dute 26an eta 27an (10:00-13:00).
Gabonetako jolas parkea, ostera, urtarrilaren 3an eta 4an jarriko dute kiroldegian (11:00-13:00 eta 17:00-20:00). Egun bakoitzeko sarrera 6 euro da eta bi egunetako bonua 10 euro (hirugarren alabak edo semeak doan).
Abenduaren 28an, gainera, puzgarriak jarriko dituzte Ibarra kiroldegiko igerilekuan, 10:30etik 13:30era bitartean.