Udazken Jaia egingo dute gaur Kurtzebarri eskolakoek

Kurtzebarri eskolako ikasleak taloak egiten iaz.

Abenduarekin batera Udazken Jaia ospatuko dute Kurtzebarri eskolako kideek gaur, abenduak 1, Iturrigorri pilotalekuan (17:30). Euskararen Egunari ere egingo diote keinua eta aurtengo jaiaren leloa da: Bihur dezagun Iturrigorri, euskararen txantxangorri.

Ekintza mordoa iragarri dituzte euskal giroan ospatzeko jaialdia:

  • Txalapartarien emanaldia
  • Euskal dantzak
  • Euskal txantxangorriaren abestia
  • Lekaio saioa
  • Talo tailerra amandreen laguntzarekin
  • Mokadutxoa: buzkantzak, gaztainak, sagardoa…

Kurtzebarriko kideak zein gainerako herritarrak gonbidatu dituzte bertara: "Gerturatu, ilunkara ederra pasatuko dugu eta lagunen artean".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.