Grafiti koloretsua egin dute bi ikaslek ALEko atean

Eskolako ateetako batean marraztutako grafitia.

Aretxabaleta Lanbide eskolako atean grafiti koloretsua egin dute Automozio ikasketak egiten dabiltzan bi ikaslek, Aitor Lizarzaburuk eta Dani Moralesek.

Grafitiaren munduan aurretik ere jardundakoak dira bi ikasleak, eta iaz proposatu zieten ikastetxeko ordezkariek: "Proposatu zitzaien ea zerbait egitera animatuko ote ziren, ate hutsa kolorez betetzeko asmoarekin eta ikastetxeko ikusgarritasuna hobetze aldera".

Udaletxean baimena eskatu eta urrian egindako eguraldi onari esker margotze lanari ekin zioten tailer bateko atean. Ikastetxearen izena ALE eta bertan ematen diren moduluekin zerikusia duten irudiak marraztu dituzte: "Eskerrik asko, Dani eta Aitor, lan ederra egin duzue!", esan diete ikastetxeko gainerako kideek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.