Menpekotasun egoeran dauden pertsonen arreta ikasketak egiten dabiltzan Aretxabaletako Lanbide Eskolako kideek Arrasateko Aspaceko lagunen bisita jaso dute gaur, eguaztena. Eskola erakutsi diete lehenengo eta gero mokadutxoa eskaini.
"Iaz Madrilera eta Toledora irteera egiteko dirua jasotzen ibili ginen. Bidaia egindakoan dirutxo bat geratu zitzaigun eta irakasleak proposatu zigun proiektu bat lantzeko taldean", jakinarazi du ALEko ikasle batek eta gaineratu du: "Iazko ikasturtean ezagutu genituen Aspacekoak, Arrasatera, euren egoitzara joan ginelako bisitan. Eta orain guk gonbidatu nahi izan ditugu eta diruarekin luncha gertatu diegu".
Zazpi lagun joan dira bisitan bi begiralerekin, eta hamasei ikaslerekin elkartu dira. Harrera beroa egin diete gonbidatuei eta kontu-kontari giro alaian pasatu dute goiza elkarrekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
