Europako txapeldunak, Espainiakoak eta munduko txapelketan aurrean ibilitakoak elkartu dira gaur Euskadiko txapelketa jokatzeko. Debagoiendarrek ere ez dute hutsik egin; etxekoak bost, Arrasatekoak hamar inguru eta Bergaratik eta Oñatitik etorritakoak ere izan dira norgehiagokan.
Kata modalitatean erakustaldiak egin dituzte, eta kumiten borrokak. Kadeteek eta juniorrek bi minutuko borroka saioak jokatu dituzte eta 21 urtez azpikoek hiru minutukoak.
Ikusmina sortu du txapelketak eta harmailak bete egin dira giro ezin hobea sortuz kiroldegian.
