Ereserki berria aurkeztu zuen UDAk atzo, egubakoitza, kirolari taldeak aurkezteko egindako ekitaldian bertan. Aretxabaleta Abesbatza, herriko txistulariak eta musika eskolako abesbatzak egin zuten bat herritarrei ereserki berria abesteko. Baina hori baino lehen, Igor Arenaza agurtu gura izan zuten hari eskerrak emanaz.
Azken urteotan kirol zuzendari izan den Igor Arenazak ez du jarraituko UDAn. Hala jakinarazi zuen orain dela hilabete inguru, eta UDAk eskerrak eman gura izan dizkio azken urteotan egindako lanagatik. Maren Lezetak eta Haritz Igartuak oparitu zioten kide guztiek sinatutako baloia, eta Xabi Igoak bertsoa eskaini zion UDAren bueltako guztien izenean. Egindako omenaldi apala hunkituta jaso zuen Arenazak.
Hemendik aurrera Ibarra futbol zelaian entzungo den ereserkia aurkeztu zuten ondoren.
2016 urr 22 Aretxabaleta
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
