Ludotekak urriaren 5ean zabalduko ditu ateak

Neska-mutikoak jolasean ludotekan.

Eguaztenean, urriaren 5ean, zabalduko ditu ateak Gernika plazan dagoen Algara ludotekak, eta ekintza bereziak antolatu dituzte umeak zein gurasoak hurrera daitezen; ordutegia izango da 17:30etik 19:00etara.

Eguaztenean, Haur Hezkuntzako lehenengo eta bigarren mailakoendako zabalduko dute, beti ere heldu baten laguntzarekin joanda. Eta urriaren 6an, eguenean, irekiera jaia egingo dute Arlutzeko kantxan: "Gura duten ume guztiak hurreratu ahal izango dira, heldu baten begiradapean", jakinarazi dute Udal ordezkariek. 3 eta 12 urte bitarteko neska-mutikoendako Udalak eskaintzen duen zerbitzua da ludoteka: "Jolasa baliabide nagusitzat erabiliz hainbat helburu lantzen dira", diote.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.