Musikaz betetako gaua izan zen atzokoa Aretxabaletako Portasol auzoan, ez baitziren rock taldeak eta rap-kantariak falta izan. Gaur ere adin guztietarako eskaintza dago auzoan, Mus txapelketa egin dute Eguzki-Alden arratsaldeko lehen orduan, eta gero umeek primeran pasatzeko aukera paregabea izan dute, umeen jolas parkean.
Gauean ere rock kontzertuak egongo dira; The Friday Crew eta Skovers taldeek joko dute eta gauerdian su artifizialak botako dituzte.
Bihar azoka egingo dute Atseden taberna aurrean (10:30) eta paella lehiaketa Markoleko zelaian (13:30). Arratsaldean, ostera, pottokak eta zezentxoak izango dira Markolen (18:00) eta iluntzean auzoko edadetuena eta urteko lehen jaioberria omenduko dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.