Ikastaro bi egingo dituzte Ibarra kiroldegian ekain eta uztailean: batetik, gaztetxoendako igeriketa hobekuntza, eta bestetik, nordic walking. Izena emateko epea zabalik dago kiroldegian (943-03 98 42) eta azken eguna da ekainaren 22a.
Gaztetxoen igeriketa hobekuntza ikastaroan bi txanda egingo dituzte: ekainaren 27tik uztailaren 8ra eta uztailaren 11tik 22ra. Eskolak egunero izango dira, 09:15etik 10:00etara.
Prezioa izango da abonatuendako, 10,53 euro; eta abonatuta ez daudenendako, 31,58 euro.
Lehenengo txandakoek ekainaren 22rako izena eman beharko dute, eta bigarren txandakoek, uztailaren 5erako.
Nordic walking edonorendako
Nordic walking ikastaroa, ostera, ekainaren 27tik uztailaren 20ra egingo dute, astelehen eta eguaztenetan (17:30-18:30). Debalde dira eskolak abonatuendako zein abonatu barik daudenendako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
