Txarapeako lurrei eusteko proiektua egiten dabiltza

Mirari Altube Arrese 2016ko eka. 10a, 12:43
Hesia etxeak babesteko Txarapeako maldan.

Lur-jausia izan zen Txarapeako maldan, 34-36 eta 74-76 atarteen atzealdean, martxoan. Orduan eroritako lurra, dagoeneko kendu dute handik, eta etxeak babesteko hesia jarri. Hala ere, behin behineko irtenbidea dela adierazi du alkateak.

"Ekintza horiekin momentuz arriskua ekiditea lortu da, baina argi dugu ez dela behin betiko konponbidea", dio Unai Elkorok.

Konponbide onik ez

Alkateak onartu du arazoa aspalditik datorrela: "Orain dela urte pare bat arazoa ekiditeko bio-ingeniaritzak gomendatutako landaketa bat egin zen malda horretan. Lehen urtean eutsi zion horrek, baina aurten, euria hasi orduko mugitu ziren lurrak". Halakorik berriro gerta ez dadin, txapekin osatutako burdinazko hesi bat jarri dute behin-behinean. Horien helburua da lurrak etxeetaraino ez iristeko oztopo izatea.

Proiektua egiten

Aurrera begira, behin betiko irtenbidea behar duela malda horrek jakinik, proiektu berri bat eskatu du Udalak. Eta hori gertu dagoenean lanei ekingo dietela iragarri du Elkorok: "Obra horretarako bere garaian Bruesak utzitako abal bat dago gordeta, 500.000 euro ingurukoa. Hortaz, ez dela aurrekontu arazorik izango uste dugu".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak