Aretxarteren 500 euroko bonua gastatuko du zapatuan Javi Lazkanok

Javi Lazkano 500 euroko bonuarekin.

Aretxarte merkatarien elkarteak 500 euroko bonua zozketatu du astean, eta horren irabazlea izan da Javi Lazkano aretxabaletarra. Zapatu goizean, 10:00etatik 13:00etara bitartean, erabili beharko du bonu hori merkatarien elkarteko edozein komertziotan.

Ingurumenaren aldeko aletxoa jarri nahian eta herriko merkataritza bultzatzeko helburuarekin Erabili eta berrerabili kanpaina jarri zuen abian Aretxartek apirilean. Bi hilabete eskasean 3.200 poltsa arrosa banatu ditu bezeroen artean, eta hain zuzen poltsa horiek berrerabili dituzten herritarrak sartu dira 500 euroko bonuaren zozketan. Pozik hartu du berria Lazkanok.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.