Homofobiaren kontra, errespetua aldarri, Kurtzebarrin

2-12 urte bitarteko neska-mutikoak Aretxabaletako plazan.

Maiatzaren 17a, LGTIBQrekiko Fobiaren Aurkako Nazioarteko Eguna dela eta, "bazterkeria uxatuz eta errespetuzko jarrerak sustatuz" hainbat ekimen egin dituzte Aretxabaletko Kurtzebarri eskolan; horietako bat izan da arratsaldean atera duten argazki erraldoia, 2-12 urte bitarteko neska-mutikoekin herriko plazan egin dutena.

1990an Osasunerako Mundu Erakundeak homosexualitatea buruko gaixotasunen zerrendetatik kendu zuenetik da gaurko eguna, maiatzaren 17a homofobia, lesbofobia, transfobiaren… aurkako nazioarteko eguna, eta efemeride horixe baliatu dute Kurtzebarri eskolakoek azken bi ikasturtetan lantzen diharduten hezkidetzan beste pauso bat emateko, argazki bitartez, oraingo honetan.

Errespetua oinarri

Lehen Hezkuntzako 2. mailatik 6. mailara arteko neska-mutikoekin landu dute gaia, gelatan zein kalean, eta baita haien gurasoekin ere. Egunaren jatorria, LGTIBQ kolektiboaren ikur den ostadarraren koloreen arrazoia… eta batez ere, elkarrekiko errespetua landu dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.