UDAren armarria berritzeko lehiaketa deitu dute

Mirari Altube Arrese 2016ko mai. 13a, 17:00

Armarriaren itxura berritu gura du UDAk 70 urte bete dituen urtean, eta lehiaketa deitu du. Lanak aurkezteko epea ekainaren 23an bukatuko da, eta honako helbidera bidali behar dira: udaretxabaletake@gmail.com. Irabazleak 200 euro jasoko ditu.

Edonori dago zabalik lehiaketa eta edozein teknika eta material erabil daitezke. Hori bai, norberak sortutakoa izango da eta ezinbestean izango ditu honako ezaugarri hauek: UDA laburdura; zati diagonal zuria; San Migel goiaingerua (gerlari jantzitako aingerua); Kurtzebarri mendia gurutzearekin; ontzia eta txabola. Diseinuak era digitalean egin daitezke (ordenagailuz) edo eskuz; eta jatorrizko koloreaz gain, zuri-beltzeko bertsio bat ere aurkeztu behar da.

Lanak bidaltzerakoan UDAko armarria izena jarri behar da mezu elektronikoaren izenburuan, eta edukian egilearen izen-abizenak eta nortasun agiriaren zenbakia. Gura bada lanaren deskribapen txiki bat ere bidal daiteke.

Epaimahaia osatuko dute bost adituk, eta baloratuko dute kalitatea, originaltasuna eta sorkuntza lana; baita UDAren ezaugarriak biltzeko trebetasuna ere. Uztailaren 1ean hartuko dute erabakia, eta behar besteko kalitaterik ez dutela iritziz gero saria hutsik utz dezakete.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak