Jardunaldian parte hartuko dute: Jose Mari Armentia, Osakidetzako giza baliabideetako zuzendaria; Xabier Arauzo, Osakidetzako Euskara Zerbitzuburua; Kepa Altube, Laneki - Jakinbai.eus-eko kudeatzailea; eta Rikardo Lamadrid, Lanekiko presidentea eta Aretxabaleta Lanbide Eskolako zuzendaria.
Hitzaldiak hiru ardatz izango ditu. Batetik, Lanbide Heziketan euskararen normalizaziorako egindako urratsen berri emango da eta Jakinbai.eus baliabide-webgunea zer den azalduko da. Bestetik, Osakidetzan euskararen egoeraz egingo da berba eta, azkenik, erizaintzako zaintza osagarrien ikasketez ere hitz egingo da.