Gipuzkoako Karate Txapelketa domekan Aretxabaletan

Kumite modalitatean haurrek eta kadeteek jardungo dute, emakumezkoek zein gizonezkoek, eta bakarkako kata modalitatean, horiez gain kimuek ere bai. Hori bai, katan jarduteko derrigorrez gerriko berdea izan beharko dute eta kumiterako urdina.

Txapelketan Aretxabaletako karatekak ere izango dira: "Asko ez, baina bost inguruk hartuko dute parte; haurren eta kadeteen mailan jokatuko dute horiek", jakinarazi du Odilo Vazquezek, UDAko taldearen entrenatzaileak. Maiatzean, ostera, areto futbolak hartuko du protagonismoa, Gipuzkoako Txapelketako final guztiak jokatuko dituztelako herrian. UDA kirol elkartearen 70. urteurreneko ospakizunen barruan egingo dute domekan Gipuzkoako Karate Txapelketa, Ibarra kiroldegian. 11 eta 15 urte arteko gazteak elkartuko dira kiroldegian, ehun bat parte-hartzaile izango dira, eta 10:00etan hasiko dute txapelketa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.