Han azalduko dituzte zer den Erain Debagoiena; nondik datorren, nora joan gura duen eta zein den helburua. Arrasaten aurkeztutako legez helburua ekainaren 12an jarri dute, orduan egingo den herri galdeketan, hain zuzen ere. Eta hara bidean eman beharreko pausoak aurkeztuko dituzte biharko ekitaldian.
Sinadurak jaso
Galdeketa posible izan dadin sinadurak jaso behar dira lehenengo; Debagoieneko 65.000 biztanleren %10 baino gehiagoren sinadura lortu beharra dago. Eta zapatuan bertan hasiko dira horiek jasotzen Aretxabaletan eta beste hainbat herritan.
Erain Debagoienako kideek herritar guztiak gonbidatu gura dituzte biharko aurkezpenera, ekimena ezagut dezaten batetik, eta galdeketarako bidean harekin bat egin dezaten bestetik.