Mendi Astea egingo du Murrukixok astelehenean hasita

Islandiako Vatnajokull glaziarra.

Murrukixo mendizale elkarteak mendiaren gaineko astea antolatu du. Datorren astelehenean hasi eta domekara bitartean hainbat hitzaldi eta mendi irteera bat egingo dituzte. 

Astelehenean, otsailak 29, Lourdes Basterretxea mendizaleak Afrikako Kilimanjaro mendi ezagunaren gainean jardungo du. Martitzenean, eskarmentu handiko mendi gidari den Martin Elortzak Zermatt eta goi ibilbidea izango ditu berbetarako gai. Eta eguaztenean Luismi Egiluz eskalatzaileak Islandiako Vatnajokull glaziarraren gaineko irudiak eta han bizi izandakoak ekarriko ditu. Hitzaldi guztiak Arkupen dira, 19:00etan.

Domekan, Zaraiako itzulia 

Domekan, martxoak 6, ostera, mendi ibilaldia egingo dute astea bukatzeko. 08:00etan elkartuko dira Azbe lantegi alboan eta Zaraia mendilerroari buelta emango diote.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.