Kuadrillek girotuko dute, beste behin, Aratuste-domeka, eta, euria izan edo elurra egin, ez ditu ezerk etxean geraraziko. Udalak, berriz, balkoiak apaintzera gonbidatu ditu herritarrak, eta originalenak saria izango du: 200 euro Aretxarteko dendetan gastatzeko.
Hona egitaraua osorik:
Aratuste-domeka
- 10:00etan, diana txistulariekin.
- 11:45ean, Txino dantza Santa Ageda neska-mutilekin.
- 12:00etan, kuadrillen kalejira.
- 13:00etan, kalejira Akelarre txarangarekin.
- 14:30ean, herri bazkaria kiroldegian, Mikel DJak girotuta.
- 18:00etan, kalejira kiroldegitik Herriko Plazara txarangarekin.
- 18:45ean, mozorro lehiaketaren sari banaketa ekitaldia (bost sari, 160 eurokoa bakoitza, 16 urtetik gorakoen artean, eta beste bost sari, 16 urtetik beherakoen artean).
- 19:00etan, Santa Ageda neska-mutilen dantza saioa.
Aratuste-martitzena
- 10:30ean, Haurrak plazan elkartu eta dantzan egingo dute.
- 11:00etan, kalejira Irulitza txarangarekin.
- 16:00etan, kalejira Irulitza txarangarekin.
- 17:30ean, buruhandiak txarangarekin batera.
- 20:00etan, Txinen hileta. Santa Ageda neska-mutilek zerraldoa eramango dute Mitarte kaletik Herriko Plazaraino, han erretzeko.