Lehen eta bigarren postuak Vazquez anaiendako Gipuzkoako karate txapelketan

Atzo, urtarrilak 31, Hondarribian jokatutako txapelketan eskuratu zituzten lehen bi postuak Oxel eta Odei anaiek. Biek ala biek senior mailan jardun zuten norgehiagokan, 67 kiloz azpikoen artean.

Oxel izan zen garaile eta bigarren geratu zen Odei, biek lan bikaina egin ostean. 

Taldekako txapelketan, ostera, UDAk ez zuen zorte handirik izan eta lehen fasean kanporatu zuten. Hala ere, Andoni Martinek erakutsitako maila aipatu gura izan dute UDAko karate saileko ordezkariek.

Hurrengo hitzordua otsailaren 13an dute karatekek; senior mailako Euskadiko Txapelketa jokatuko dute orduan Gasteizen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.