Aretxabaletako areto futbol taldeak 6-10 galdu du Muskizekoen aurka

Aretxabaletako jokalari bat baloiarekin aurrera egiteko saiakeran.

Markagailuan atzetik joan arren joko ona egin dute Aretxabaletakoak ia partidu osoan. Lau minuturen faltan, ordea, erabakia izan da atezaina jokalari lanetan ipintzea eta errenta handitu egin dute Muskizekoek.

Jarraian sei norgehiagoka irabazi ostean liderraren aurka galdu du Euskal ligako Aretxabaletak. Partidu bereziki exijentea izan da gaurkoa eta polita ikusteko. Muskizekoak aurretik izan dira markagailuan, baina gertu ziren etxekoak. Bizkaitarren errenta handiena bi golekoa izan da partidua amaitzeko lau minuturen faltan Aretxabaletakoek arriskatzea erabaki duten arte.

Erabakia izan da atezaina ere jokalari lanetan ipintzea, eta defentsa akatsak baliatuz erraz egin dituzte hiru gol Muskizekoek. Partidu amaieran, gainera, tentsio uneak izan dira bi taldeko jokalarien artean. Epaileak bi txartel hori eta gorri bat atera ditu azken minutuetan.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.