Guraso Foroak eta Murrukixok elkarlanean antolatutako bigarren mendi irteera egingo dute zapatuan, urtarrilak 16, eta oraingoan Muru mendiaren barrenak ezagutzera joango dira. Herriko plazan elkartuko dira, 10:00etan (ez dago izenik eman beharrik), eta 13:00 inguruan itzuliko dira.
Deia da 4 eta 12 urte arteko neska-mutikoendako eta horien gurasoendako, eta antolatzaileek guztiak animatu gura izan dituzte, "ibilaldi polita eta samurra" izango da eta. Hona zehaztu duten ibilbidea: Aretxabaleta, Izurieta auzoa, Mandogain, Naparrena baserria, Etxezuri baserria, Galartza auzoa eta Aretxabaleta.
Ekainera bitartean, hilabetean irteera bat egingo dute Guraso Foroak eta Murrukixok eta horien helburua da herriko bazterrak ezagutzea: "Inguruko menditxo, bide, bidezidor eta parajeak ezagutzea da asmoa, eta horiek berreskuratu eta erabiltzea", dio Murrukixoko kide Oier Etxebarriak. Eta, bide batez, naturarekin gozatu eta ondo pasatzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
