Elkartearen lehen lehendakaria izan zen Demetrio Iriarte eta haren kintako bazkide bi, Natividad Rodriguez eta Angeles Molina, omendu zituzten atzo, San Tomas eguna, Basotxon. Pozik eta umore ona lagun zutela jarraitu zuten ekitaldia ehun urteko bi emakumeek.
Aretoa lepo beteta zela Iriarteren senideek opariak jaso zituzten, baita ohorezko bazkide izendatu zituzten bi emakumeek ere. Basotxoko kantu taldeak eta Aretxabaletako txistulariek girotu zuten ekitaldia, Iriarteren pieza bi eta beste hainbat kantu abestuta. San Tomas eguna izanik txorizo muturtxoa janda bukatu zuten ospakizuna trikitilari eta pandero-joleek girotuta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
