65 eskalatzaile Aretxabaletako Ibarra kiroldegiko rokodromoan gora

Monika Belastegi Aranzabal 2015ko abe. 19a, 10:34
Bi parte-hartzaile Ibarra kiroldegiko rokodromoan gora.

Hori da atzo, barikua, Debagoieneko Eskalatzaileak Mendi Kirol Klubak eta Debagoiena Eskalada Eskolak antolatutako ekitaldian parte hartu zuen eskalatzaile kopurua. Topaketa eta txapelketa, biak egin zituzten Aretxabaletako Ibarra kiroldegian.

Topaketari dagokionez, 24 gaztek hartu zuten parte, lehiatu gabe eta guztiek jaso zuen opari bana. Gainerakoek txapelketan hartu zuten parte bi mailatan: elite maila eta herrikoia.
 
Maila bakoitzeko sei lagun sailkatu ziren; lehen hiru emakumezkoak eta lehen hiru gizonezkoak –azpian sailkapena–. Horiek guztiek domina eroan zuten etxera.
 
Antolakuntzatik eskerrak eman nahi dizkiete ekitaldian parte hartu zuten eskalatzaile guztiei eta baita ikusle, laguntzaile eta Ibarra kiroldegiari ere.

Sailkapena ondorengoa izan zen:

 
Maila herrikoia:
 
  • Emakumezkoak
1. Deiane Zubikarai
2. Jone Garitaonaindia
3. Maialen Altuna
 
  • Gizonezkoak
1. Martzel Vicario
2. Borja Bernalte
3. Manex Iñurrategi
 
Elite maila:
 
  • Emakumezkoak
1. Mirian Mulas
2. Marta Camara
3. Aitziber Urrutia
 
  • Gizonezkoak
1. Mikel Linacisoro
2. Beñat Aspe
3. Mikel Arriola

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak