Omenduak sei emakume eta bi gizon dira. Honako hauek: Mª Rosario Alberdi Barrena, Antonia Arana Etxabe, Apolonia Gartzia-Etxabe Ugarte, Benito Domaica Sagastui, Isabel Bengoa Ezkibel, Gregoria Iñurrategi Etxebarria, Carmen Urrutia Ibabe eta Carmelo Igartua Barrutia.
Ohorezko aurreskuarekin egingo diete harrera eta ondoren, Basotxoko katu taldearen ekitalditxoa izango da. Opariak jasoko dituzte gero zuzendaritza batzordekoen eskuetatik, eta ospakizuna bukatzeko txokolatea banatuko diete elkartutako guztiei trikiti doinuek girotuta.
Santo Tomas eguna
Abenduaren 21ean, ostera, Santo Tomas eguna ospatuko dute. 11:00etan, Gabonetako 40 otar zozketatuko dituzte. Eta 17:00etan txistorra jana izango dute. Hori aprobetxatuta Demetrio Iriarte, elkarteko lehenengo lehendakaria, omenduko dute.