Musika eskolako kideek uste dute hainbat herritarrek dituztela etxean erabiltzen ez dituzten musika instrumentuak: "Sasoi baten erabili eta orain hautsa hartzen zer egin horiekin ez dakitela". Hala, horiek jasoko dituzte erosteko zailtasunak dituztenei eskaintzeko. Instrumentu horiek musika eskolara bertara eraman daitezke edo hilaren 18an, tonbolara eraman. Trukean tonbolako txartel bat jasoko dute horiek.
Gainerakoek, 2 euroren truke erosi ahal izango dituzte tonbolako txartelak. "Diru hori izango da instrumentuak konpontzeko eta berriak erosteko", jakinarazi dute Leizarrako kideek.