Aurreko aste bukaeran Elgorriagaren kontra irabazi ostean (0-1) gogotsu irten dira zelaira aretxabaletarrak. Aurrez aurre, Gasteizeko Aurrera. Hirugarren Mailako azken sailkatua. Puntu beharrarekin, aretxabaletarren antzera.
Orain arte jokatutako hamasei jardunaldietan ibilbide antzekoa egin duten bi talde direla garbi geratu da zelaian. Parekatua eta gol aukera gutxikoa izan da norgehigoka. Lehen zatia UDAk menderatu du eta Beñatek 21. minutuan sartutako golaz gain besteren bat sartzeko aukerak ere izan ditu. Atsedenaren aurretik, 33. minutuan, berdindu egin dute gasteiztarrek.
Azkenean sufritzen
Bigarren zatian asko nahastu da jokoa. Baloi luze asko egon da eta protesta asko ere bai. Azken minutuetan urduri ipini dira etxekoak eta Aurrerak estutu egin du. Aretxabaletarrek sufritu egin dute tarte horretan. Gasteiztarrek bigarrena sartzeko aukerak izan dituzte.