Ezin gusturago 'Atxabaltako kuentistekin'

Larraitz Garai ipuina kontatzen Txiki Txokoan.

Bigarren saioa egin dute astean Atxabaltako kuentistek. Oraingoan Larraitz Garaik eta Amaia Elizgoienek jardun zuten kontalari lanetan eta liburutegiko Txiki Txokoa bete egin zen. Leku barik gelditu zirenendako bigarren saioa egin zuten, eta gurasoek ere oso pozik jarraitu zituzten ipuinak.

Hamabost bat ume eta horien gurasoak elkartu ziren Txiki Txokoan eta oso gustura entzun zituzten Atxabaltako kuentisten ipuinak. "Formatu polita izan da, motza eta erakargarria", zioten gurasoek bukaeran.

Atxabaltako kuentisten hurrengo saioa izango da azaroaren 21ean, zapatua, Txiki Txokoan (11:30) eta lau urtetik gorakoei gomendatu diete.

Hori baino lehen azaroaren 6an, egubakoitza, helduendako emanaldia izango da: Ameli: Ipuinen jostuna. Arkupeko Zaraia aretoan izango da, 19:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.