Poxpolo eta konpainiarekin ederto pasatu dute Aretxabaletako neska-mutikoek

Pailazoen ikuskizuna izan da gaur eguerdian Arkupe Kultur Etxean. Txisteak, abestiak, magia... denetarik izan da ordubete iraun duen emanaldian, eta ume zein nagusiek bikain pasatu dute. Eguerdian egon ezin izan dutenek arratsaldeko bostetan izango dute ikuskizunera joateko beste aukera bat.

Barre ugari egin dute aretxabaletarrek gaur Poxpolo pailazoa, Don Martin aurkezlea, haien lagun Braulio eta Bixkor txakurrarekin, ikuskizuneko protagonistak.

Ume guztiak adi-adi egon dira ordu osoan zehar, eta haiekin abestu ere egin dute, baita haien magia trukuetan parte hartu ere. Esate baterako, denak txundituta geratu dira Poxpolok musuzapi batekin elurra egitea lortu duenean.

Fin portatu dira neska-mutikoak gaur, eta ozen egin dute txalo eta kantuan; giro bikainean pasatu dute, beraz, eguerdia.

Beste saio bat arratsaldean

Eguerdian egon izan duten aretxabaletarrak 17:00etako saiora joan ahal izango dira Poxpolo eta konpainiaren jolas eta abenturekin gozatzera. Sarrera 3 euro izango da.

Erlazionatuak

Poxpolo eta konpainia pailazoen ikuskizuna Arkupen

Aretxabaleta

Ederto pasatu dute eguerdian Arkupen bildu diren neska-mutikoek Poxpolo eta haren lagunekin. Arratsaldeko bostetan beste saio bat eskainiko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.