Aurten hamabost urte bete ditu elkarteak: "Argazkiak aitzakia dira urteotan egindako lanaren berri emateko. Hamasei bat argazki daude eta gero informazioa duten panelak", argitu du elkarteko kide den Iñaki Agiriano arrasatearrak: "Aretxabaletako Udalak, gainera, diruz laguntzen ditu proiektu horiek".
Etxebizitza eta osasuna eskubide unibertsalak direla dio Amsograk, eta horregatik, euren lan-esparru nagusiak etxebizitza duin eta osasungarria izan ditzaten dabiltza lanean Nikaraguan. Herrialdearen iparraldean, esaterako, Chorotega de Mozonte herri indigenarekin batera dihardute.