Euskaraz bizi nahi dut sariketan film laburrik onenari saria jaso du Iker Azkoitiak Semeak lanarengatik. Donostiako Zinemaldiaren barruan egin da lehiaketa eta Azkoitia bera da filmaren zuzendari, aktore, gidoilari eta ekoizlea. Sarean dago filma, osorik ikusteko. Goenkale telesailaren azken txanparako ere fitxatu dute aretxabaletarra. Abenduan hasiko dira bere atalak emititzen.
Sortzaile ipurterrea da Iker Azkoitia eta zorte oneko dabil azken boladan. Goenkale telesailean agertuko da abendutik aurrera, Lander surflari gaztearen paperean. Mikro-antzerki musikal bat ere estreinatuko du abenduan Azkoitiak, bere abestiekin eta bera ere aktore nagusi dela. Madrilen Pintame antzezlanean ere lanean dabil, laugarren denboraldiz jada.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.