Astelehenean gaztetxoenendako zabalduko dituzte ateak. Haur Hezkuntzako lehenengo mailakoak joan ahal izango dira, betiere, heldu batek lagun eginda. Martitzenean Herriko Plazara joango da ludoteka, eta han jolasak egingo dituzte. Eguaztenean, Gernika plazan, egoitza inguruan jardungo dute jolasean; eta eguenean, irailaren 24an, ludotekan bertan elkartuko dira interesa duten guztiak. Ezustekoren bat ere izango dute orduan.
Izen-ematea zabalik
Ludoteka 3 eta 12 urte arteko neska-mutikoendako topalekua da, jolaserako eta harremanetarako Udalak eskaintzen duen zerbitzua, hain zuzen ere.
Izena emateko epea zabalik dago, eta ludotekatik pasatu behar da. Ordutegiaren gaineko argibideak ere han dituzte –943 79 05 81 edo loramendi.aisia@gmail.com–. Urteko kuota 60 euro da.
