Eskoriatza kirol elkarteko Aresko taldeak antolatu du eta hiruko txapelketa izango da, batetik, 2006an eta 2007an jaiotako neska-mutikoendako, eta bestetik, 2002 eta 2005 artean jaiotako neskendako. Mitarte kalean izango dira partiduak 17:00etan hasita, eta izena bertan emango dute 16:00etatik aurrera.
Taldeak gutxienez hiru lagunekin osatuta egongo dira, eta gehienez, laurekin. Taldea ezin osatu ibiliz gero, antolatzaileengana jo: "Jokatu nahi eta ez bazarete hiru jokalariko gutxieneko kopurura heltzen, edo bakarrik bazaude, ez arduratu, guk topatuko dizugu taldea". Partiduek zortzi minutu iraungo dute eta guztiek jasoko dutela oparitxo bat iragarri dute antolatzaileek.
Txapelketa horrekin saskibaloi erakustaldia egin gura duEskoriatza kirol elkarteak Aretxabaletan, neska-mutikoek kirol hori ezagut dezaten eta jokatzera anima daitezen.
