2007an eta 2006an jaiotakoek 16:45ean izango dute lehenengo entrenamendu saioa astelehenean, eta 2005ean jaiotakoek, 18:00etan. "UDAk mimo handiarekin prestatu du aurten ere futbol eskola eta interesa duten neska-mutikoei futbolean hazteko eta formatzeko aukera eskaini nahi die", adierazi dute kirol elkarteko ordezkariek. Entrenamendu saio horretan jakinaraziko diete futbol eskolak izango duen ordutegia eta urte guztiko egutegia.
Kimuek, 2004an jaiotakoek, ostera eguazten eta egubakoitzetan izango dituzte entrenamendu saioak 17:00etan hasita.
Gurasoekin bilerak urriaren 1ean
Horren guztiaren berri emateko, gurasoekin bilerak egingo dituzte UDAko ordezkariek urriaren 1ean, Ibarra kiroldegian. Futbol eskolako jokalarien gurasoen bilera 18:00etan izango da, eta informazioa ematearekin batera zalantzak argituko dizkiete.
Kimuen bilera, ostera, 19:00etan izango da eta oinarrizko futbolaren gainean Aretxabaleta kirol elkarteak zehaztu duen estrategiaren berri emango dute.