Puntu bat ekarri du UDAk Azpeititik (0-0)

Berdinketa justua izan dela esan du Gorka Valle entrenatzaileak, partidu borrokatua izan dela azpimarratu du eta golik gabekoa. Zelai erdian egon da lehia sutsua norgehiagoka guztian zehar, eta estrategiako jokaldietan mina egiteko aukera izan duten arren, ez aretxabaletarrek ezta azpeitiarrek ez dute atea zulatzerik izan.

UDAko entrenatzailearen arabera, bi taldeek joko nahiko antzerakoa egiten dute eta partidu gogor eta trabatua izango zela uste zutenek, bete-betean asmatu dute. Aukera garbirik ez da egon partiduan eta asko kostatu zaie baloia lurrera jaitsi eta jokatzea. Gaurkoarekin, hiru puntu lortu dituzte aretxabaletarrek lau jardunalditan.

Eguaztenean izango da hurrengo norgehiagoka, etxean, Ibarra futbol zelaian 19:00etan Zallaren aurka.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.