Saltzaileak gustura eta erosleak ere bai. Izan ere, aparteko eskaintzak atera dituzte kalera Aretxarteko merkatariek: uda sasoiko arropa, kirola egiteko arropa, umeendako kontuak, eskolarako materiala, argazkiendako kontuak… baita gozogintzarako produktuak, eztia, baserriko ogia eta beste hainbat kontu ere. Eta horiei guztiei herritarrek harrera ezin hobea egin diete.
Mitarte kalean egitekoak ziren, orain arte legez, baina eguraldiak lagunduko ez zuelakoan plazara eraman dituzte postuak. Horregatik saltzaile gutxiago elkartu dira. Aretxabaleta kirol elkarteko kideek, ostera, ez dute hutsik egin eta han egon dira materiala saldu eta bazkide txartelak egiten.
