Puntu bat lortu du UDAk etxean

Aukera askoko partidua izan da bai UDArendako eta baita Durangorendako ere Ibarran jokatu dena gaur arratsaldean. Baina, bana berdindu dute.  "Irabaztea beti hobe izaten da baina ez da puntu txarra; iaz ondo ibili ziren Durangoko mutilak-eta", azaldu du Haritz Igartua UDAko kapitainak.

Aukerak izan ditu UDAk, baina zorterik ez. "Lehen zatian eusten ibili gara; hasieran oso ondo irten gara eta ondo jaurtitako falta batean gola sartu digute. Guk aukerak izan ditugu baina zorterik ez langa jo dugu-eta".

Bigarren zatian Uda nagusi

Eta UDAren gola bigarren zatiaren lehen minutuetan etorri da. "Partidua aurrera ateratzeko ezinbestekoa zen gola egitea eta lortu dugu. Bigarren zatian ondo ibili garela eta eurak baino gehiago izan garela uste dut", dio Igartuak.

Ilusioz

Hurrengo partidua Gasteizen jokatuko dute. "Izan dituzten emaitzak ikusita, gure mailakoak direla esango nuke; irabaztera joango gara. Ekipoa ilusioz dago. Hirugarren mailan jokatzeak motibazioa ematen digu". Ibarran, igarri egiten da harmailetan hori. "Udak beti eduki ditu jarraitzaileak eta orain kanpotik etortzen dela jendea konturatu gara. Oso gustura gaude afizioaz".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.