Iraileko lehen astelehenean joan ohi dira aretxabaletarrak Arantzazura amabirjinaren bederatziurrenaren barruan, eta halaxe egingo dute hainbat lagunek irailaren 7an.
Udalbatzako hainbat kide eta hainbat Udal teknikari joango dira herritarren ordezkari legez. Horietako batzuek oinez joateko asmoa agertu dute, Unai Elkoro alkateak, esaterako. Herritar batzuk ere joango dira oinez eta gainerakoak autoetan gerturatuko dira.
Behin Arantzazura iritsita meza entzungo dute 12:00etan gehienek, eta gero bazkaltzen geratuko dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.