Txirri, Mirri eta Txiribiton bisitan etorriko dira Aretxabaletara

Maite Txintxurreta 2015ko uzt. 10a, 15:00

Pailazo hirukote ezaguna Arkupe Kultur Etxean izango da domekan, uztailak 12, arratsaldeko bostetatik aurrera, Aretxabaleta eta inguruetako ume eta ez hain umeei barre eginarazi eta ondo pasarazteko. Sarrerak 3 euroan daude  salgai Kultur Etxean bertan.

Musde Kakamokordo izeneko pertsonaia gaiztoari egin beharko diote aurre hiru pailazoek oraingo honetan. Hari aurka egiteko Txutxupe! oihukatu beharko dute ahalik eta ozenen eta Arkupera bertaratzen den ikuslegoaren laguntzaz.

Pasa den abenduan hasi zen hirukotea Txutxupe ikuskizun berriaren birarekin.

Ibilbide luze eta oparoa

43 urte daramatzate jada Txirri Mirri eta Txiribiton pailazoak Euskal Herrian zehar herriz herri umeak entretenitzen. 1972an, hasi zirenean, euskarazko lehen pailazo taldea izan ziren. Hala ere, beti ez dira pertsona berdinak egon sudur gorrien atzean.  

Xabier Otaegi (Txirri), Jose Inazio Ansorena (Mirri) eta Txema Vitoria (Txiribiton) 2013an erretiratu ziren, eta hurrenez hurren, Fernando Ruiz, Kattalin Ansorena (Inazio Ansorenaren alaba) eta Juanma Zalduak hartu zieten erreleboa. Orain, hasierako Junior abizena galduta, ikuslegoa alaitzen jarraitzen dute han-hemenka.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak