Zortzi orduko ikastaroa da orain uztailean egiteko, eta martitzen eta eguenetan izango dira eskolak. Hona egunak: 7, 9, 14 eta 16. Iralabarri plazan dagoen txalaparta lokalean elkartuko dira arratsaldetan, 18:00etatik 20:00etara bitartean.
Izena emateko epea zabalik daukate Loramendiko kideek. Hona bideak: kultura elkarteak Durana kalean duen egoitzara jo; telefonoz deitu (943-77 09 70 edo 685 75 67 29); edo mezu bat idatzi posta elektroniko bidez: loramendielkartea@gmail.com. Prezioa: Loramendiko bazkideek, 8 euro eta gainerakoek, 10 euro. Giro onean ikasteko aparteko aukera dela jakinarazi dute antolatzaileek.
