Ekintzaz beteta dator Ibarra kiroldegiko udako kanpaina

Neska-mutikoak igerilekuan jolasean.

Uztailean ere kirola egiteko makinatxo bat aukera izango da Ibarra kiroldegian. Ohikoak ez diren jarduerak eskaini gura izan dituzte oraingoan: "Umeak ez ezik, familia osoa jarriko dugu kirolaren bueltan, guztiek goza dezaten", jakinarazi dute. Hala bada, umeendako eta helduendako jarduerak daude.

Sei jarduera dira eskainitakoak; batzuk umeendako: irristaketa eta igeriketa. Eta beste batzuk helduendako: irristaketa, korrika, hipopresiboa eta nordic walking. "Osatu egin gura izan dugu urteko egitaraua jarduera horiekin, eta kiroldegitik kanpo egin daitezkeenak indartu, korrika eta nordic walking, esaterako", dio Igor Arenazak, zuzendariak.

Gehienez hamabi lagun hartuko dituzte talde bakoitzean. Uztailaren 1etik 24ra bitartean izango dira eta prezioa da beste edozein jarduerari dagokiona, hau da, 10,22 euro. Izena emateko eta argibide gehiagorako kiroldegiko harrerara jo (943-03 98 42)

Sei jarduera aukeran

Hemen jarduerak:

- Irristaketa haurrak
Astelehen eta eguaztenetan
17:45-18:30

- Irristaketa helduak
Martitzen eta eguenetan
18:00-18:45 eta 19:45-20:30

- Korrika hastapena
Astelehen eta eguaztenetan
17:00-17:45

- Hipopresiboa hastapena
Astelehen eta eguaztenetan
18:00-18:45

- Nordic walking
Astelehen eta eguaztenetan
18:00-18:45

- Igeriketa hobekuntza haurrak
Zapatuetan
10:00-11:00

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.