Gazte Eguakotxak agurtuko dituzte bihar Gazte Ekimeneko kideek, kontzertu dotorearekin agurtu ere. Bartzelona ingurutik datorren Itaca Band ska-reggae taldea izango da udaletxe zaharrean, 22:30ean.
Montcada i Reixac (Bartzelona) herriko bandak ska azkarretik abiatu eta erritmo beroak lantzen ditu, salsa giro dantzagarriekin eta reggae erritmo gozoekin batera. Hara eta hona dabil taldea apirilaz geroztik Temerario diskoa aurkezten eta bihar Aretxabaletan egingo du geldialditxoa. Bazterrak umore onez eta erritmo dantzagarriz beteko dituzte.
"Pozik" emandakoarekin
Gazte Ekimenekoak oso pozik daude Gazte Eguakotxek eman dutenarekin: "Jendeak oso ondo erantzun du eta itzeleko giroa izan dugu!", dio Ibai Zangituk eta gaineratu du: "Hemendik aurrera Andramaixekin jarriko gara buru-belarri".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak