'Kurtzetril' jolasa, dantzak eta bazkaria Kurtzebarriko jaialdian

Kurtzebarri eskolako kideak iaz, pilotalekuan bazkaltzen.

Ikasturtea agurtzeko jaialdia antolatu dute urtero legez, Kurtzebarri eskolako kideek. Bihar izango da, zapatua, eta herriko kale eta bazter asko girotuko dituzte. 

Etxafuego jaurtiketarekin hasiko dute jaia 10:30ean, eta orduantxe hasiko dute Kurtzetril jolasa –Herriko Plazan, Durana eta Mitarte kaleetan, Gernika plazan eta Iralabarri plazan–. 12:00etan, globoak banatuko dituzte eta dantzan egin Iralabarri plazan: Bihotzez ikasi, Zazpi jauzi, Txulalai… Eta bukatutakoan plazara joko dute trikitilariek, hanka-paloek, buruhandiek eta erraldoiek lagun eginda.

13:00etan Eguzkiari agurra ikuskizuna izango da plazan –DBHkoek taberna jarriko dute dirua jasotzeko– eta 14:00etan Iturrigorri pilotalekura joko dute bazkaltzeko. Orduan jakinaraziko dute zeinek irabazi duen tarta lehiaketa.

Bazkalostean, 15:00etan, Txoborro magoren emanaldia izango da pilotalekuan, eta 16:00etatik 18:00etara dantzan egingo dute Patxi Monteroren esanei jarraituta –patioan puzgarriak egongo dira umeendako–.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.