Aretxabaletara gerturatuko dira domekan, maiatzak 31, Debagoieneko haur dantzarien taldeak. Dantza erakustaldiak eskainiko dizkiete herritarrei; goiz partean herriko hainbat gunetan eta arratsaldean Herriko Plazan.
Hona elkartuko diren dantza taldeak: Arrasateko Txikitxu-Arrostaitz eta Lore Gazteak; Oñatiko Oñatz; Antzuolako Oinarin; eta Soraluzeko Urrats. Etxekoek, Leizarrakoek, ere ez dute hutsik egingo eta guztien artean dantza erakustaldiekin girotuko dute herria.
Herriko Plazan elkartuko dira 10:30ean, hamarretakoa jateko eta ondoren, 10:45 inguruan, kalejira egingo dute txistularien laguntzarekin. Dantza erakustaldiak 11:30ean hasiko dituzte herriko hainbat gunetan eta 13:30ean, bazkaltzera joango dira guztiak. 17:00etan alardeari ekingo diote plazan eta horrekin emango dute eguna bukatutzat.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak