Partaidetza handiko txapelketa izan zen eta giro ederra izan zen bertan. Gainera, Nacho Sanchez, Iker Arroita, Dani Fuentes bezalako eskalatzaile handiak izan ziren besteak beste posterrak sinatzen eta ikuskizuna eskaintzen. Trango World eta Red Bull etxeek antolatutako eskalada txapelketa honen lehen sailkatze fasea izan da Aretxabaletakoa, hurrengoa berriz, Madrilen jokatuko da hilaren 16an eta ostean, Bartzelonan hilaren 30ean.
Zapatuan eskalatzaile onenen bilgune bilakatu zen Aretxabaletako Ibarra kiroldegia. Maila handiko eskalatzaileak izan ziren bertan, eta ikuslez bete ziren harmailak. Irabazleak Itziar Zabala eta Erik Lopez izan ziren lan bikaina eginez, eta Red Bull Creepers bigarren ediziorako txartela jaso dute biek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak