Lurraldetasuna gai hartuta ospatu du Arizmendik Udaberri Jaia Aretxabaletan

Julen Iriondo 2015ko mai. 10a, 12:43
Eguraldia lagun, martxa eta giro onean ospatu zuten Aretxabaletan Udaberri Jaia. Arizmendi ikastolak antolatzen duen jaiaren hamargarren edizioa goizean goiz hasi zen. Aurten lurraldetasuna eduki dute gai nagusi: "Ikastolak zazpi herrialdeetan egonik elkarte bat bakarra osatzen dugula erakutsi gura izan dugu", zioen Arizmendiko Eneritz Urrutiak.
10:30ean, Basabeazpi ikastolako leihotik Zeledonen jaitsiera eduki zuten, eta geldera bat  bota zien han bildutakoei: "Zenbat ikastola daude Euskal Herrian?" Haur hezkuntzakoak ibilaldi batera joan ziren erantzun bila, eta bidean Donostiako piratak, Bizkaiko harri zulatzaileak, Ziripot... topatu zituzten. Eta lehen hezkuntzakoek herri kirolak eginez lortu zituzten erantzunak.
12:00etan, Zeledonen eta ikastolako erraldoien konpartsaren eta trikitilarien laguntzaz, kalejiran herriko plazaraino joan ziren, eta bertan erraldoiek dantza egin zuten. Gero, jolasetan jasotako erantzunekin mosaiko bat osatu zuten.
Bazkaldu Durana kalean egin zuten: babarrunak eta saiheskia. Bazkalostean, batxilergoko ikasleekin haurrentzako tailerrak egin zituzten: aurpegi margoketa, eskulanak, txapak...
Eta eguna bukatzen joateko, Oioneko San Bizente ikastolako haur eta irakasleen ipuin emanaldi ederra izan zuten Basabeazpin. Oioneko ikastolan lanean ibilitako Mikel Fernandez de Arroiabe aretxabaletarrari omenalditxoa ere egin zioten.
Eguna bukatzeko, Almen eta Basabeazpi ikastolakoek, Oioneko ikastolakoekin batera, Argitxoren agurra egin zuten.
 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak