Literatura Astea egingo dute beste behin Kurtzebarri eskolan bihar, apirilak 22, hasi eta datorren martitzena bitartean. Perrault eta Grimm anaien ipuinak izango dituzte ardatz aurten eta horien lanak ezagutu ondoren hainbat ekintza egingo dituzte ikasleek. Bihar, bestalde, Patxi Zubizarreta idazlearen bisita izango dute.
Lehen Hezkuntzako lehenengo mailatik bosgarrenera bitarteko neska-mutikoekin elkartuko da Patxi Zubizarreta, eta kontu kontari jardungo du.
Literatura topaketak bukatzeko, apirilaren 28an, martitzena, 24. Irakur Maratoia egingo dute. "Ekintza horretan parte hartzera gonbidatzen zaituztegu", esan dute eskolako kideek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
