Ibarretxe, Egiguren eta Zubizarreta, nazio kultural euskaldunaz

Leire Kortabarria 2015ko api. 18a, 17:19
Zubizarreta, Ibarretxe eta Egiguren.

Huheziren Euskal Kulturgintzaren Transmisio tituluaren barruan, Juan Jose Ibarretxek, Jesus Egigurenek eta Xabier Zubizarretak berriketaldia egin dute tituluko ikasleekin, Aretxabaletan. Nazio kultural euskaldunaren etorkizunaz jardun dute. Mahai-inguruaren berri emango du GOIENAk astelehenean.

Nazio kultural euskaldunaren aurrerabideaz delako blokean, hainbat saio egon dira, eta zapatukoa da azkena. Aditu-tituluaren koordinatzaile Julen Arexolaleibaren gidaritzarekin, hiru gonbidatuek hainbat bizipen eta iritzi plazaratu dituzte.

Euskal nazio eta estatu-nazioaren gainean hitz egiteko, Sarrionandiaren aipu bat bota du Arexolaleibak, nazioa nazio-estatua baino lehenago datorrela esanez; horren gaineko iritziak eman dituzte hizlariok. Horrekin lotuta, alderdi abertzaleen artean adostasun handiagoa balego "zer gertatuko" litzatekeen planteatu die Arexolaleibak, eta Ibarretxek esan du "naturaltasunez" ikusi behar dela "Bildu, EAJ eta sozialisten" arteko adostasunak, baina "arazoa konfiantza falta" dela eta "hori berreskuratu" behar dela. Zubizarretak, aldiz, esan du Euskal Herrian ez dagoela adostasunik, "normaltasunez" bizi diren herrialdeekin konparatuta, "nazioa osatzen duten" gauzen inguruan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak