Heriotza ez da gai samurra, eta oraindik zailagoa umeekin berba egiteko. Patxi Izagirrek, Zumarragako psikologoak, dio errazena beste aldera begiratzea izan arren haurra gertatzen dabilen horren "parte egitea" funtsezkoa dela. Hori horrela, heriotzaren gainean zelan egin berba neska-mutikoekin –edozein adinetakoak izanda ere–, argibideak emango dizkie gurasoei bihar, baita dolu egoerak zelan bizi gomendioak ere.
Izagirreren esanetan mundu sinbolikora jotzen da askotan, baina ez da "egokia": "Umea gehiegi babesten bada eta errealitatea bizitzeak dakarren frustrazioa estaltzen bada umea atrofiatzeko arriskua dago".
Dolua modu osasungarrian lantzea ezinbestekoa dela dio adituak; izan ere, bizitzan negatiboa eta positiboa denari aurre egiteko indarra sustatuko da horrela. Eta gaineratu du umeei erakutsi behar zaiela garrantzitsuena dela bizitza "disfrutatzea".
