Lausitta kaleari noranzkoa aldatuko diote astelehenetik

Konpondu berri duten Otalora kalea.

Oraindik ez dituzte bukatu Otalora kaleko lanak baina Udalak jakinarazi du astelehenetik aurrera, hilak 16, Durana kaleak ohiko ordutegia izango duela, hau da, 14:00etan itxi egingo dutela. Lausitta kaleko eta Larrin plazako errepideari, ostera, noranzkoa aldatu egingo diote; hala, Arrasatetik datozen ibilgailuak Lausittatik sartu eta Larrin plazara jo ahal izango dute.

Otalora kalean asfaltoa bota dute, baina horri orain, erretxina bota behar diote. Horretarako eguraldi ona komeni da eta horregatik ez dakite noiz bukatuko dituzten lanok.

Oraingoz, Errekabarren kaleko autobus geltokia Txarapea ibilbidera pasatu dute, Arrasatera joateko dagoen geltokiaren parera, hain zuzen ere.

Eta Santa Kurtz kaletik Otalorara doan kaleak (Amets taberna albokoa), ostera, bi noranzko izango ditu, sartzeko eta irteteko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.